Friday, February 13, 2009

3 Days of Sentiment

"Boredom is just the reverse side of fascination: both depend on being outside rather than inside a situation, and one leads to the other. " - Arthur Schopenhauer

Naging masaya ngunit most of the time, boring ang naging Foundation Week. Dahil malapit-lapit ang aking kaarawan, sinamantala ko nang manglibre ng mga tickets (rides) to my friends: Lance (2x), Kuya Joed (3x), Chyrill (2x), Juzelle (once), Lakan (once), Kaila (once), Rane (once) & Pau (once).

DAY 1: Bliss and Exhilaration

Naniniwala lagi ako na sa bawat hirap ay may kapalit na ginhawa at ito ay ang 49th Foundation Week ng aming paaralan kanina lamang. Kaming mga officers sa aming silid-aralan ay sinabihang pumasok nang maaga (7am) upang maging preparasyon para sa isang misa. Habang nasa loob ng aming silid-aralan, kami ay nakinig sa aming mga kanta o musika mula sa aming mga cellular phones na aking pinalakas pa gamit ang aking speakers :D. Naglaro rin kami ng UNO Stack-O at hinanda ang aming mga props para sa “The Congo”. Nagkaroon din ng pictorial sa loob.

Sa misa sa pagbubukas ng Foundation Week, ako, si Celine at Lance ay naatasan ni Gng. Maranan na kunan ng litrato ang misa para sa Ginintuang Uhay. Kami ni Celine ang gagawa ng artikulo rito. Ako rin ay natuwa dahil nakita ko na rin sa personal si Mayor Mon Ilagan na nasa misa kanina. Sinundan ng isa pang programa ang misa, ang pagbibigay parangal sa mga employees ng CCC (Best in Attendance at Years of Service) pati ang mga mag-aaral na lumahok sa mga kompetisyon sa labas ng institiusyon. Kasama kami rito ni Kuya Karl Daliposa (dahil Grand Champion kami sa DLSU Computer Quiz Bee noong ika-23 ng Enero ngayong taon). Kami kasama si G. RV Cruz ay umakyat sa entablado upang ipakita kay Msgr. Arnel Lagarejos ang 2 tropeo, kasama ang photo session. Kinuhanan ako ng best friend kong si Lance, at abot langit ang ngiti dahil sa magandang tunog na palakpakan .

Nang matapos ang lahat ng programa, kami ay malaya na! Sa silid-aralan muna kami nanatili upang maglaro, mag-picturan at magsanay ng “The Congo”. Nasa silid kami hanggang ika-1 ng hapon at ako’y nabagot na dahil walang nais mag-rides. Ngunit kaninang umaga, kami nina Ludi, Liza at Zelle ay “sumakay” sa libreng ride – ang fire exit ng paaralan (pulang hagdanan na napakataas). Habang nasa loob ng silid, nagpicturan muna ako kasama ng aking mga kaklase: Melissa, Kuya Joed, Ate Reyna, Ate Ba, at Winnie, kasama rin ang L-P-J :D. Dahil walang magawa, naglaro kami ng UNO muli, kasabay ng asaran namin ni Kuya Joed! :D

Ika-2 ng hapon, sa wakas ay may nakumbinse na akong sumakay sa Ferris Wheel: sina Kaye, Pau & Rane. Nilibre ko na silang tatlo dahil pumayag silang sumakay :D parang birthday treat ko na rin sa kanila. Talagang nakakahilo pero masaya sa Ferris Wheel! Nakakalula at masarap ilabas ang emosyon lalo ang galit at inis sa pamamagitan ng pagsigaw sa ere. Katabi ko si Ate Reyna sa una kong sakay dito ngayong araw. Pagkatapos ay kami naman nina Zelle, Lakan at pinsan kong si Ate Che (Chyrill). Nilibre ko rin silang tatlo at sa aking pangalawang sakay, doon na ako nahilo – katabi ko si pinsan sa pangalawa kong sakay.

Pagkatapos ng dalawang sakay sa Ferris Wheel, kami ay pumunta sa Garden of Peace upang panuorin ang presentasyon ng CCC Chorale sa kanilang pagkanta ng mga awitin mula sa Miss Saigon. Ang ganda ng mga kasuotan nila, at ang pinaka-napansin ko ay ang magkasalungat na kulay na porma ni Czarina, puti ang suot at pula ang sapatos :D at pati na rin ay malaking long sleeves ni Kuya Joed! Naging maganda at maayos naman ang presentasyon nila, ngunit natabunan nang kaunti ng piano ang kanilang mga boses kasama ang mga sigawan ng mga mag-aaral. :D Ngunit, overall, maganda! At panghuli, nagperform ang mga CCC Idols na sina G. Arcilla, Gng. Atienza, Bb. Bautista, G. Usares at G. Morado, deserving sa kanilang titulo. Mag iika-4 na ng hapon nang ako’y antukin at patago akong umuwi, hindi na ako nakapagpaalam sa aking mga kaklase kasama si Edward. :D

DAY 2: Delight, Exasperation & Sadness

Pinlano ko na magpalate at pumasok nang 9:00am kanina upang ma-enjoy pa ang mahaba-habang tulog pagkatapos gawin ang 2 pang articles sa Ginintuang Uhay kinagabihan. Ngunit sa paggising ko nang 7:00am, nakatanggap ako ng SMS message mula kay pinsan (Chyrill) na performance na raw namin sa darating na 9:00am ng Speech Choir ng “The Congo”. Ito ang naging dahilan ng aking pagmamadaling umalis mula sa Angono.

Nang ako’y nakarating sa classroom, ako’y nagulat na bukas na ito bagkus na nasa akin ang susi. Aking naisip na hiniram na nila ang spare key mula sa guardhouse. Paglapag ng aking bag sa aking upuan, ako’y nagmadaling nagbihis sa CR: maong shorts, sandals at white shirt. Sa aking pagbalik sa room, ang aking mga kaklase ay may make-up at costume na pang-cannibal at civilized. Napansin ako ni Ate Riz at sabi niya ay magpalit ako ng damit dahil hindi tugma na “pang-hiking” iyon. Buti nalang at may extra shirt si Kuya Joed: gray = first time kong magsuot ng gray shirt sa buong buhay ko dahil puro puti ang mga damit ko :D

10:00am: Kaming III – St. Albert the Great ay naghanda para sa aming performance para sa “The Congo”. Handa na ang lahat at nagsimula na ang program. Kami ay pangalawang nagperform pagkatapos ng 1st Year. Nang kami na, nagkaroon ng confusions dahil nagpanic ang iba at mali ang napuntahang side ng stage. Mabuti nalang at naayos agad. Habang kami’y nagtatanghal, ako’y nagseryoso nang husto para sa aming performance at napansin ko ang ganda ng aming palabas. Nang kami’y matapos, mataas ang aking paniniwala na kami’y may pag-asang manalo dahil sa dami at lakas ng palakpakan at sa papuri ni Mr. Arcilla sa amin. At for trivia, dahil sa sobrang makatotohanan ng finale, sa aming pagbagsak (dahil namatay kaming lahat sa palabas), nasugatan ako sa tuhod. I think I gave my very best sa Speech Choir, at inialay ko yun kay Ate Riz :D

11:00am: Pagkatapos ng Choral Recitation, kaming L-P-J pati sa Ms. Peligaria ay nanuod ng Spelling Bee. Kasali rito sina Pau, Frances at ZJ. Winish ko rin ng good luck ang aking mga friends na kasali rin na sina Bernadette Yosa, Wesley Quiballo & Ivan Parero. Sa mga unang salita, marami ang nagkamali pero buti na lamang ay “brochure” ang kay ZJ, madali at tumama siya. Kay Pau, “coiffure”, nagkamali siya at na-eliminate (sayang! :D) at kay Frances, “morose”, tumama siya. Nang matapos, kami’y bumalik sa room ay naglaro sina Ate Reyna at Kaila ng “Deal or No Deal” na dinala ko. Habang kami’y naglalaro, aming nabalitaan na na-eliminate na rin sina ZJ & Frances. Sayang pero ok lang yun. :D Dahil sa sobrang interruptions sa laro namin, nagugulo ang studio at laging may “commercial break”.

2:30pm: “Break” ng Deal or No Deal namin dahil nanuod kami nina Kaila at Rane ng field-demo. Pinakamaganda na napanuod namin ay ang “Tiny Bubbles” na performance = Hawaiian ng First Year. Ang ku-cute nila kasi :D. Nang kami’y bumalik, natapos na rin sa wakas ang laro at ang kanilang napanalunan ay tumataginting ng “$0”. (applaud please :D)

3:45pm: Nagsama-sama ang St. Albert sa Garden of Peace upang pakinggan kung sino ang nanalo sa Spelling Bee at Speech Choir. Samantala, nang kami ni pinsan Chyrill ay pumunta sa room upang kunin ang aming mga gamit, kami’y nagulat dahil may 3 lalaki na hindi namin kilala ang nakaupo. Pawang nang-aasar sila na naging dahilan ng aking pagkabagot na nadagdagan pa ng panggugulo nina Clarence at Kuya Joed sa Deal or No Deal. Mainit na ang ulo ko nang kami’y pumunta sa grounds. Para mawala ang stress namin ni Ate Chy (mainit din ang ulo ni Ate dahil nagkakalat na naman ang mga kaklase namin sa room), sumakay kami sa Caterpillar. Nawala nang kaunti ang stress at sakto sa pagbaba namin, nag-aannounce na ng mga winners. Matapos sa Spelling Bee, Speech Choir naman:

3rd Place = Group 1 (First Year)
2nd Place = Group 3 (Second Year)
1st Place = Group 2 (Third Year = kami yun!)
Champion = Group 4 (Fourth Year – deserving naman eh :D)

Natalo man kami, ok lang, cute pa rin kami! :D
Matapos i-announce na 1st place kami, umakyat kami sa stage para sa pagtanggap ng plache at photo session. Pagkatapos ay umuwi na ako, dala ang init ng ulo at lungkot dahil sa akalang nagalit ang best friend kong si Kuya Joed sa akin...

DAY 3: Tremendous Satisfaction & Boredom

Maaga akong pumasok dahil huling araw na ng Foundation Week. Sinamantala ko na ang araw na ito sa pamamagitan ng pagbili ng maraming ticket at pang-lilibre sa iba! :D Mag-iika-9 na ng umaga at kami nina Lanz, Rane, Kaila, Pau at Chy ay naghintay na magkaroon ng tickets sa ticket booth. After 15 minutes ng pag-iikot, sa wakas ay meron na rin! Kaming 6 ay sumakay sa Ferris Wheel, as usual, mabagal...

Pagkatapos ng ride, boredom struck back. Sa room lang kami at tinadtad namin ang aming mga sarili sa paglaro ng UNO Stack-O hanggang sa mag-11 na ng umaga. Ito rin ay ang araw ng aking paghingi ng sincere forgiveness from best friend at kuya kong si Joed Abad dahil sa kasalanan ko sa kanya kinahapunan. Nang siya’y dumating (mag-11:30am), agad akong nag-sorry, pero ang funny dun ay sabi niya na hindi raw siya galit at di niya alam na napikon ako sa kanya kahapon. :D To conclude, bati na kami ulit!

Halos buong araw ko kasama sina Kuya Joed at Clarence. Pabili-bili ng El Bonito’s Pizza lagi, nilibre ko rin sila sa rides! :D Pero most of the day, si Kuya Joed ang kasama ko, pati sa pagpanuod namin ng nakakaaliw na sayaw ng buong faculty ng CCC: ang galing sumayaw nina Ms. Peligaria, Ms. Waker at ang ganda ni Mrs. Manuel! :D Ngayon din bumisita sina Charlene Bueno at Leoanne Lincuna, dati kong mga classmates....

For the day, puro UNO Stack-O lang ginawa namin, pati Twister. Hinintay lang namin maubos ang oras. Sa pagtatapos ng araw, nilibre ko sina Lance & Joed sa Caterpillar. Tapos hinintay na mag-uwian sa pamamagitan ng pakikinig ng nakaka-iritang rock band “concert” kanina. Hay... :D

At dun nagtatapos ang Foundation Week.... ay JS Prom pa pala bukas... excited na ako:D

1 remarks:

CELiNE XD said...

"ang kanilang napanalunan ay tumataginting ng “$0”. (applaud please :D)" - hahaha ! xD

Badges



Proudly Pinoy!