Thursday, February 26, 2009

Hark to Where I Begun - My CCC Life

Sa aking pananatili sa Cainta Catholic College sa loob ng 5 taon, marami akong naging karanasan: masaya man o malungkot, pagiging matagumpay o pagkatalo, galit at hinanakit, kahihiyan at katatawanan. Nagkaroon ako ng pagkakataon ng ma-experience ang 1 field trip, 3 recollections, 2 retreats, sangkatutak na seminars, sumali sa mga quiz bees at contests, 4 field-demos, 1 JS Prom at marami pang iba. Nakilala ko rin ang mga best friends ko sa CCC at iba’t-ibang klaseng pagtuturo ng mga guro namin. Dito rin ako natutong makaramdam ng infatuation :D. Sa mga nagbabasa ng post na ito, matutunghayan ninyo ngayon ang aking mga pinagdaanan sa aking Alma Mater.

GRADE 5: Unang Taon sa CCC
Dito na ako pumasok sa Cainta Catholic College, first school na nilipatan ko in my life. Dito ako tinanghal na “transferee” at talagang mahirap ang proseso ng pag-aadjust. Dito ko natanto na may “chips” sa pagbili sa canteen, black pants and white na uniform (dati ay off-white na uniform and brown pants), color-coded na ID cords, mas malaking grounds at may, what they call pilot sections! Nang mabalitaan ko na may section 1, tiklop naman ako = di ko hinangad na lumapit, tumingin o dumaan sa room nila :D Ang una kong naging section sa CCC ay V – St. Catherine under the advisory of Mrs. Eugenia Rizza B. Atienza, ang unang “nanay” ko.

Ang pinaka-una kong nakilala ay si Adrian Bauzon. Nung una ko siyang makilala, naging close kami kaagad at nalaman ko na St. Catherine ang section niya kaya sabay kami sa pagpasok. Isa rin siyang transferee. Nang nagsimula na ang 1st day of class, nagkaroon ng “lipatan” ng sections ang ibang students. Nasama si Adrian, lumipat siya sa kabilang section. Naisip ko wala na akong makakausap, siya na nga lang ang nakasundo ko ay nawala pa. Naging loner ako nung 1st day, pero nakilala ko naman sina Ivan Parero at ang aking kauna-unahang BEST friend ko sa CCC na si Lance Gerome A. Dela Cruz :D at ang una kong “ate” na si Agatha Vernie Cuaresma. As the days pass, na-elect ako bilang Class President na talagang hindi ko expected kasi di pa naman nila ako kilala para maging presidente nila! Dahil sa hindi pagkakaunawaan especially tungkol sa pagiging president ko, ang una at huli kong nakaaway sa pananatili ko sa CCC ay si Jonell Coral na pagkatapos din ng 2 araw ay naayos namin ang gusot.

Nagpaka-normal akong mag-aaral nung Grade 5 at sa aking pagsisikap, salamat kay BRO, ay naging top 1 ako (w/ modesty aside for 3x). Ang saya ko nung Grade 5, lagi kaming magkasama ni Lance, at mayroon din kaming friendly competition nun :D Dito ko rin nakilala ang kauna-unahan kong “crush” na si Juzelle Javier, na ngayon ay best friend ko na :D

Ang most unforgettable experience ay nung September 23, 2004 ata, yung “embarrassing encounter” ko sa V – St. Anne (section 1 for 5th grade). Inutusan ako ni Mrs. Magsino na i-announce nung uwian ang project nila for 2nd grading period. Pagkautos sa akin ay bumilis ang tibok ng puso ko.. tugdug...tugdug...tugdug...dahil kinabahan ako siyempre ay makakaharap ko ang pinakamatatalino na mag-aaral sa 5th grade! Inisip ko na puro siguro nakasalamin ang nasa St. Anne...Moving on, pagkaakyat ko, kahit uwian na, nandun pa rin ang St. Anne, buong-buo, magugulo, naglalaro sa loob ng room nila. Tapos tinapangan ko ang aking sarili at nakipag-usap ako sa isa sa kanila: lalaki na may mga “ponytail” sa buhok na nakalimutan ko na kung sino. Nung nagsasalita palang ako, sabi niya na sa loob ko raw sabihin yung project – hinila na niya ako papasok sa room at pinatayo sa platform, gitna ng buong room.

“May i-aannounce daw SIYA!” – unknown

Inexplain ko naman yung pinautos sa akin ni Mrs. Magsino, habang nagsasalita ako, may nakita akong nagbubulungan at may narinig akong “lait” na maliit ako (totoo naman na maliit ako nun :). Ang mga naalala kong mga mukha ay sina Rod De Vera, Pau, Kuya Joed, Ludi...yun lang. Pero ang naalala ko nang pagkatapos kong magsalita ay nag-walk-out ako dahil hindi naman nila ako pinapakinggan, napahiya ako nang husto nun, pinagtawanan nila ata ako sa pag-alis ko na may kasamang “SALAMAT” na may tonong pang-aasar. Haixt. Kaya simula nun, nagkaroon ako ng konting pagkainis sa “pilot section”...

Sa pagtatapos ng Grade 5, naging masaya ako dahil nakadalo ako sa Araw ng Pagkilala na mayroon akong mga naiuwing parangal, thanks BRO! :D

GRADE 6: Panahon ng Pagsisikap
SY 2005-2006: Ito ang naging batch na kinabilangan ko nung ako’y nasa ika-6 na baitang. Kami ng aking matalik na kaibigan na si Lance ay mapalad? na napabilang sa VI – Our Lady of Light (ang section 1 nung Grade 6) under Ms. Almira Braga. Ang aming section ay binuo ng halos kalahati ng dating V – St. Anne. Naisip ko, “nandito na ako sa pinakakinatatakutan kong mga tao”. Si Lance lang ang lagi kong kausap sa mga unang araw. Sinubukan ko ring makipag-socialize sa iba naming kaklase. Ang una kong nakilala mula sa St. Anne ay sina Winnie Eliab at Louise Quicho. Naging Asst. Secretary rin ako ng klase at una kong pagkakataon na tumakbo sa Student Coordinating Council at pinalad akong manalo bilang Secretary ng buong Elementary Level. Sa aking pagkapanalo sa SCC, nakilala ko naman ang isa ko pang best friend na si Ludi! :D

Dahil sa payo ng aking dating adviser na huwag magpabaya sa pag-aaral, nagsikap ako nang husto nung Grade 6. At dahil sa aking mga pagsisikap ay nagulat ako na pumangalawa ako sa mga achievers :D. Natuwa na ako nun at napag-isipan kong mag-aral pa.

Dito ko unang naranasan na magkaroon ng retreat (overnight) na ibig sabihin ay hindi ako matutulog for the 1st time sa bahay namin. Sa aming retreat, inatake ako ng hika at dun ko na-realize na may concern naman pala ang mga kaklase ko (boys) sa akin dahil parang “binantayan” nila ako nung matutulog na. Special thanks kay Zeejay at Lance nun :D

Nung Grade 6 din, Christmas party, kami nina Ate Sharms, Ranelyn, Winnie at iba pang girls ay pumunta sa Sta. Lucia Mall. Nagsaya lang kami nun at ito rin ay ang una kong “gala”:D. Naalala ko na naubos nang husto ang mga baon naming pera sa kakalaro sa “Piso Game” :D

To cut the story, sa aming graduation, thanks kay BRO and with modesty aside, ako’y naging 2nd honors (salutatorian) with 2 extra awards :D.

FIRST YEAR HIGH SCHOOL: Panibagong Yugto
Tapos na ang mga maliligayang araw sa Elementarya at panibagong yugto sa buhay-estudyante ang pagpasok sa mataas na paaralan. Ako ay napabilang sa I – St. James under the advisory ng isa sa mga pinakamabait na aking mga naging guro na si Mrs. Sabina “Babes” San Jose. Una kong naisip na mas mahihirap ang mga lessons sa High School, mas magugulong kaklase, mas maraming activites at iba pa.

Na-elect ako muli bilang Class President ng aming klase. Agad akong napalapit sa aking mga kaklase at naging magkakaibigan din kami :D. Ang pagkakakilala nila sa akin ay dakilang “addict” ng Kapamilya Deal or No Deal :D. Ang malimit ko namang kasama nun ay sina Lloyd Borja, Edward Fabz at si Kuya Marvs. Masaya ang section namin talaga at hindi magiging masaya ito kung wala ang mga pasaway naming kaklase pero mababait sila. Naalala ko na sa sobrang galit ko sa kanila ay hinagis ko ang aking bag sa room!

Wala naman masyadong makuwento nung First Year except nung November 16, 2006 na pagkatapos namin sa Computer class, nalate kami ni Lloyd dahil may inutos ang isang teacher sa amin. Siguro mga 5 minutes kaming nalate at nung ako muna ang pumasok sa room, nandun na si Ms. Lilia Mendoza (Math Teacher namin), nakatingin sa akin, sa sobrang taranta hindi na ako nakapag-sorry na na-late ako. Nung ako’y umupo na, nagparinig si Ms. Mendoza na nakalimutan ko na kung ano yun basta may revelance sa pagiging late sa klase. Naramdaman ko na umiinit na ang aking mukha kasama ang pamumula sa sobrang pagkahiya at lungkot. Di ko namalayan na umiyak na ako nun sabay sabi ni Ate Reyna (Ranelyn – seatmate ko :D) na practical joke lang yun. Tawanan ang lahat :D. Birthday ng mama ko ay umiyak ako haha. Ginanon din si Lloyd at di naman siya umiyak, ako lang talaga ang mababaw ang luha :D Hay si miss talaga, nakakatuwa :D

February 2007, kami nina Lloyd at Edward ay nag-swimming sa Gem’s Resort na supposedly ay buong I – St. James. Hindi sila nagsipunta kaya kaming tatlo nalang. May pangyayari nun na muntik na malunod si Edward! Pero buti nalang, nakaahon siya kaagad.

To wrap up, with modesty aside, ako’y halos himatayin dahil nung 4th grading period ay nakatanggap ako ng dalawang 100% na marka sa report card (EP and conduct). :D Di ko talaga makakalimutan ang resulta ng aking pagsisikap noon :D.

SECOND YEAR HIGH SCHOOL: Career at New Heights
Second Year, para sa akin ang PINAKAMASAYA kong panahon sa High School. Ako ay napabilang sa II – Gabriel under the advisory of Ms. Jean Charlie Waker, ang adviser kong palaban at concern sa kanyang mga students :D. Na-elect akong Class President at ako na naman ang nagdala ng hirap at pasan para sa aking mga kaklase. Marami akong naranasan nung 2nd year tulad ng nakapunta ako sa 3 iba’t-ibang schools sa labas ng campus: Magi’s Academy, UP Los Banos at nakalimutan ko na ang isa. Masasabi ko n tight ang samahan ng aming section. Nameet ko rito ang naging 2nd “ate” ko na si Charlene Fabro na naging best friend ko rin at mas naging close kami ni Juzelle (naging best friend ko na rin siya) :D.

Naranasan ko rin ang hirap ng pagiging achiever dahil sa pag-iinform ng overall rank 1 ko nun. Mahirap mapanatili ang ganung standing, sa dami ng mga magagaling na mag-aaral pero talagang di ko expected yun na na-overall ako :D. Talagang masasabi ko na nagsikap ako nang husto nung 2nd year. Hinarap ko ang mga pinaka-kinatukan kong Genetics, Homeostasis, Intermediate Algebra, Florante at Laura & si Mrs. Manuel, na talagang mahigpit dahil dapat kaming magsalita ng straight English sa kanyang period pero nakaya naman namin :D Ngayon taon din ay iisa lamang ang naging ABSENT ko (sayang..)

Sa pagtatapos ng 2nd Year, napanatili ko ang pagiging “overall”, thanks BRO! Sa Araw ng Pagkilala ay una kong maranasan na magkabulutong :).

THIRD YEAR HIGH SCHOOL: Period of Maturity
Sa III – St. Albert the Great na tayo! I have a separate post for this....so abangan niyo nalang :D Pero masasabi ko lang ay dito ko nakilala nang husto ang mga best friends ko: sina Lance, Juzelle, Ludi, Liza, Marianne at Kuya Joed... :D

2 remarks:

riz.214 ♥ said...

modesty aside !
i love it !
haha !
:]

Marianne said...

Thanks ulit sa special mention, Patz! Sorry kung hindi ko na masyadong matandaan yung noong Grade 5. Magso-sorry na rin ako dahil baka isa ako sa mga hindi nakinig noon sa 'yo! Really sorry!

Okay ka na ba ngayon? Wala na ba yung sakit? Alam kong mahirap kalimutan ang nangyaring iyon, but I know (and hope) that the pain you're feeling right now will slowly fade away as the days pass by... Inaamin ko, medyo masakit pa rin sa akin iyong nangyaring iyon, pero unti-unti na syang nawawala. You're really strong, Patz, so I know you can overcome anything. Go! I'll cheer for you! =)

Badges



Proudly Pinoy!